** طريقة سينابون رووووعه **

4اكوب ونص دقيق كويتي منخول

3 ملاعق كبار زبده ذايبه

3 ارباع فنجان قهوه سكر
رشة ملح

ملعقه كبيرة ممسوحه خميره

نص ملعقه صغيره بيكنج باودر

كوب ونص حليب دافي (كوب واحد فيه ثلاث ملاعق حليب بودره ، والنص فه ملعقتين ) .

والسر اللي يخلي العجينه هشششششه وريحتها جنااااااااان هو

( باكيت واحد دريم ويب ) والله العظيم يابنات والله على مااقول شهيد ان العجينه تطلع

غييييييير وبقى عندي سينابون لليوم الثاني طعمها كني توني مسويتها واطرى من القطن .


الحشوه :

زبده لينه
( ملعقتين سكر بني واذا مافي يصلح ابيض + ملعقتين قرفه مطحونه + ملعقه كاكاو بودره ) .
وللزينه : دريم ويب او خلطة بيتي كروكر للكيك وتوفي .



الطريقه::


نضع الحليب والزبده والسكر والملح والخميره والبيكنج باودر بالخلاط ونخلطهم دقيقه لدقيتين فقط


نضع بالعجانه كوبين دقيق منخول فقط

نسكب اللي بالخلاط على اللي بالعجانه

في اثناء مهو العجانه شغاله نضيف الدريم ويب

ننخل باقي الدقيق اللي هم الكوبين ونص في زبديه خارجيه عشان نضيف بشويش للعجانه وهي تعجن

نضيف الدقيق بالتدريج لحد ماتوصل معانا العجينه للشكل هذا وهي غالبا تكون تلصق شوي

باليد لكن متماسكه بنفس الوقت اتمنى تكونوا فهمتوا علي

شوفوا شكلها هنا كيف



وهنا بعد ساااااعه كامله من تخميرها




جيبي سكين حاااد وضروري يكون حاد عشان مايخرب العجينه وهو يقطعها واللي تبي بالخيط بعد ممتاز،
ندهن الصينيه اللي بنستخدمها بالزبده

نفرد العجينه ونخليها رقيييقه مثل الورقه، ونقص اطرافها على شكل مربع متساوي

ندهنا بالزبده اللينه وبمعنى اصح نغرقها زبده

نحط الحشوه وكثري عشان تستمتعين بطعم القرفه





نلفها عادي مثل الرووول وخلك دقيقه وانتي تلفين يعني 6 لفات تقريبا

ونقطعها حلقات





هنا شكلها بعد ماطلعتها من الفرن وسقيتها بالتوفي




وهذي مره ثانيه سويتهم بالاكواب القصدير وطلع خياااااااال




بالنسبه لي خلطتها بدون العجانه وطلعت ممتازه

واذا طلعت من الفرن ع طول حطي دريم ويب وفوقها التوفي وآخر شي النستله

الدريم ويب:: 2 بكيت وشوية حليب بارد وملعقتين قشطه وملعقتين نستله